Resending Camp news'96 on request.

[Guest guest]

(It was written keeping in mind the daily Doordarshan 8.40 p.m

samachaar)

CAMP NEWS'96

Namaskaar..pesh hai Camp news'96

Pramukh samacharon mein--

>> Aatankvaadiyon ke hamle se kayee camp vaasiyon ki haalat gambheer

>> Chutput ghatnaon mein Shramdaan karne waale camp vaasi zakhmi,

raahat karya jaari.

>> Saanskritik Samachaaron mein pesh hai yoga par ek report.

>> Iske Atirikt..khel samaachar, Aarthik jagat ki ek jhalak aur

mausam ki jaankari..

Ab samachar Vistaar se...

>> Kal raat Aatankvaadi machchron ke hamle se kayee camp vaasiyon ki

haalat gambheer bani hui hai..Ye haadsa us samay hua..jab saare camp

vasi so rahe they. Ek nimnstrayee baithak ke baad sabhi logon ko

Odomas aur nets lagane ke nirdesh de diye gaye hain. Sthiti tanav

poorna par niyantran mein hai.

------------------

>> Shramdaan karte samay kayee logon ke haath aur pair mein kaante

gad gaye. Raahat karya yuddh star par chal raha hai. Camp Incharge

turant ghatna sthal par puhanche aur ghayalon se mile. Is Ghatna par

dukh vyakt karte hue unhone sabhi logon se savdhaani poorvak

shramdaan karne ka anurodh kiya hai. Ghalayon ko raahat- vastu ke

roop mein ek ek 'Tetanus Toxoid' ka injection lagane ka faisla kiya

gaya hai.

-----------------

>>SAANSKRITIK samacharon mein pesh hai 'yoga' par ek report..

Roz Subah hone waale 'Yogasan' mein sabhi logon ne khoob ruchi lee.

Kayee aasan jaise 'Vajrasan', 'Padmaasan', 'Mayur-asan' aadi sikhaye

gaye par 'Shav-aasan' vishshesh roop se lok-priya raha. Sabhi

ne 'Shav-aasan' ka samay badhane ke liye vishesh anurodh kiya hai.

Camp Incharge ne aashvaaasan diya hai ki ve is vishay par Yoga

adhyapak se vichaar vimarsh karenge.

-------------------

>>Ab pesh hai AARTHIK jagat ki ek jhalak-

Pichhle hafte camp incharge dwara aayojit ek daure mein kayee camp

vaasiyon ne wardha mein 'shopping' mein atyadhik nivesh kar diya..jis

se unki aarthik sthiti kaafi bigad gayee hai. Ice -cream aur PCO's

mein bahut adhik nivesh ke kaaran kayee log deewaaliya ho gaye. Iske

kaaran camp ka sensex kaafi neeche gir gaya hai.

Ek mahatva-poorna baithak ke baad sabhi ne milkar apne papa-mummy

ko soochit karne ka faisla kiya hai. 15 august tak sensex mein

sudhaar hone ki ummeed hai.

---------------------

>>Aur ab KHEL samaachar--

Pichhle hafte footbaal khelte samay ek football buri tarah ghayal ho

gaya. Is durghatna ki khabar milte hi jaankaron ka ek dal turant

ghatna sthal ke liye rawaana ho gaya. Is Durghtana ke baad Boys'

dormitory mein ek shok sabha ka aayojan hua jisme football ki sewaon

ko yaad kiya gaya. Is samay ye football jeevan mrityu ke beech jhoojh

raha hai. Durghatna ke kaaranon ki jaanch chal rahi hai.

----------------------

>> Mausam se pehle khoyee hui vastuon ke vishay mein ek vishesh

soochna..

In do darjan dinon mein ek chammach, do katoriyan, ek glass,4

safety pins, 5 kaali hairpins, 3 rumaal, 8 pen aur ek laal hawai

chappal.laa pata ho gaye.

Inke baare mein koi bhi soochna milne par kripya is telephone no.

par sampark karen --420840.

----------------------

>> Ab pesh hai MAUSAM ki vristit jaankaari..Camp ke do pramukh

sthaanon ke mausam par ek nazar.

>'Homesickness' ke baadalon ke lagataar chhaye rehne ke kaaran,

Girl's Dormitory mein kayee baar bauchharien padeen. Baadh ka khatra

barqarar hai. Sabhi nadiyaan khatre ke nishaan se oopar beh rahi

hain. Sthiti par niyantran rakhne ke poore prayaas kiye jaa rahe hai.

> Isee beech...Boy's Dormitory mein aam-taur par mausam khushk raha.

Wahaan sookha ghoshit hone ki poori ummeed hai.

Dono sthanon ke mausam mein kisi Vishesh parivartan ki sambhavana

nahin hai. Mausam vibhaag ne kisi bhi prakaar ke poorv-anumaan se

inkaar kiya hai.

------------------------

>>Ant mein ek Vishesh samaachar.

Abhi abhi praapt khabaron ke anusaar Orintation camp'96 mein sabhi

ne bahut kuch seekha aur jaana. Hamare samvad-data ke anusaar ye

camp safal raha.

Isi ke saath samachaar samaapt hote hain. Namaskaar..!!

--------------------------------------------------

Ayesha'96

[Guest guest]

Thanks a bunch Ayesha.

Ashok '84

drayesha96 wrote:

(It was written keeping in mind the daily Doordarshan 8.40 p.m

samachaar)

CAMP NEWS'96

Namaskaar..pesh hai Camp news'96

Pramukh samacharon mein--

>> Aatankvaadiyon ke hamle se kayee camp vaasiyon ki haalat gambheer

>> Chutput ghatnaon mein Shramdaan karne waale camp vaasi zakhmi,

raahat karya jaari.

>> Saanskritik Samachaaron mein pesh hai yoga par ek report.

>> Iske Atirikt..khel samaachar, Aarthik jagat ki ek jhalak aur

mausam ki jaankari..

Ab samachar Vistaar se...

>> Kal raat Aatankvaadi machchron ke hamle se kayee camp vaasiyon ki

haalat gambheer bani hui hai..Ye haadsa us samay hua..jab saare camp

vasi so rahe they. Ek nimnstrayee baithak ke baad sabhi logon ko

Odomas aur nets lagane ke nirdesh de diye gaye hain. Sthiti tanav

poorna par niyantran mein hai.

------------------

>> Shramdaan karte samay kayee logon ke haath aur pair mein kaante

gad gaye. Raahat karya yuddh star par chal raha hai. Camp Incharge

turant ghatna sthal par puhanche aur ghayalon se mile. Is Ghatna par

dukh vyakt karte hue unhone sabhi logon se savdhaani poorvak

shramdaan karne ka anurodh kiya hai. Ghalayon ko raahat- vastu ke

roop mein ek ek 'Tetanus Toxoid' ka injection lagane ka faisla kiya

gaya hai.

-----------------

>>SAANSKRITIK samacharon mein pesh hai 'yoga' par ek report..

Roz Subah hone waale 'Yogasan' mein sabhi logon ne khoob ruchi lee.

Kayee aasan jaise 'Vajrasan', 'Padmaasan', 'Mayur-asan' aadi sikhaye

gaye par 'Shav-aasan' vishshesh roop se lok-priya raha. Sabhi

ne 'Shav-aasan' ka samay badhane ke liye vishesh anurodh kiya hai.

Camp Incharge ne aashvaaasan diya hai ki ve is vishay par Yoga

adhyapak se vichaar vimarsh karenge.

-------------------

>>Ab pesh hai AARTHIK jagat ki ek jhalak-

Pichhle hafte camp incharge dwara aayojit ek daure mein kayee camp

vaasiyon ne wardha mein 'shopping' mein atyadhik nivesh kar diya..jis

se unki aarthik sthiti kaafi bigad gayee hai. Ice -cream aur PCO's

mein bahut adhik nivesh ke kaaran kayee log deewaaliya ho gaye. Iske

kaaran camp ka sensex kaafi neeche gir gaya hai.

Ek mahatva-poorna baithak ke baad sabhi ne milkar apne papa-mummy

ko soochit karne ka faisla kiya hai. 15 august tak sensex mein

sudhaar hone ki ummeed hai.

---------------------

>>Aur ab KHEL samaachar--

Pichhle hafte footbaal khelte samay ek football buri tarah ghayal ho

gaya. Is durghatna ki khabar milte hi jaankaron ka ek dal turant

ghatna sthal ke liye rawaana ho gaya. Is Durghtana ke baad Boys'

dormitory mein ek shok sabha ka aayojan hua jisme football ki sewaon

ko yaad kiya gaya. Is samay ye football jeevan mrityu ke beech jhoojh

raha hai. Durghatna ke kaaranon ki jaanch chal rahi hai.

----------------------

>> Mausam se pehle khoyee hui vastuon ke vishay mein ek vishesh

soochna..

In do darjan dinon mein ek chammach, do katoriyan, ek glass,4

safety pins, 5 kaali hairpins, 3 rumaal, 8 pen aur ek laal hawai

chappal.laa pata ho gaye.

Inke baare mein koi bhi soochna milne par kripya is telephone no.

par sampark karen --420840.

----------------------

>> Ab pesh hai MAUSAM ki vristit jaankaari..Camp ke do pramukh

sthaanon ke mausam par ek nazar.

>'Homesickness' ke baadalon ke lagataar chhaye rehne ke kaaran,

Girl's Dormitory mein kayee baar bauchharien padeen. Baadh ka khatra

barqarar hai. Sabhi nadiyaan khatre ke nishaan se oopar beh rahi

hain. Sthiti par niyantran rakhne ke poore prayaas kiye jaa rahe hai.

> Isee beech...Boy's Dormitory mein aam-taur par mausam khushk raha.

Wahaan sookha ghoshit hone ki poori ummeed hai.

Dono sthanon ke mausam mein kisi Vishesh parivartan ki sambhavana

nahin hai. Mausam vibhaag ne kisi bhi prakaar ke poorv-anumaan se

inkaar kiya hai.

------------------------

>>Ant mein ek Vishesh samaachar.

Abhi abhi praapt khabaron ke anusaar Orintation camp'96 mein sabhi

ne bahut kuch seekha aur jaana. Hamare samvad-data ke anusaar ye

camp safal raha.

Isi ke saath samachaar samaapt hote hain. Namaskaar..!!

--------------------------------------------------

Ayesha'96

------------------------------

Website: www.mgims.org

------------------------------